مطلب ارسالی کاربران
آتا بابک
قارانلیق گئجه ده بیراولدوزکیمی
گویلرین اوزونه چخان بابکیم
وطنی اوغروندا کئچن جانیندان
موعتصیم ائوینی ییخان بابکیم
اولدو داغلارباشی سنین مکانین
وطنین اوغروندا آخدی ال قانین
ایتمه ییب ایتمز ده سنین آد سانسن
آل قانی ظولومولا آخان بابکیم
خالقینا درس وئرن موباریز اینسان
دونیایا تانینان میلی قهرمان
دوشمنین آرزوسون گوزونده قویان
اوز قانین اوزونه یاخان بابکیم
خیانت ائوینی ائیله ین تالان
موعتصم باغرینایانار اود سالان
انونون آرزولارین ائیاه ین یالان
عشقیله خلقینا باخان بابکیم
آنلاماز آداملار سنی دانلاییر
واختسیز خوروز کیمی گئجه بانلاییر
سنین های-هارایین خالقیم آنلاییر
خنجری پیس گوزه تاخان بابکیم
بابکی قهرمان یارادیب تاری
ائوتاماز دا یاغی عهدی ایلقاری
یورقونون یئنه ده گلیر هارایی
یاغیلار بوغازین سیخان بابکیم
(Azerbyjan)
